ವಾರ್ಷಿಕ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ಆಟಿಡೊಂಜಿ ದಿನ
📅 Sunday, 16 Aug 2026 at 11:00 AM
📍 ಪಂಪ್‌ವೆಲ್‌ನ ಪದ್ಮಶ್ರೀ ಸಭಾಂಗಣ
ಸಂಕ್ಷಿಪ್ತ ವಿವರಗಳು — Short Description
ಶಿವಳ್ಳಿ ಸಭಾ ಮಂಗಳಾದೇವಿ ವಲಯದ ವಾರ್ಷಿಕ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ಆಟಿಡೊಂಜಿ ದಿನಾಚರಣೆ
ಶಿವಳ್ಳಿ ಸಭಾ ಮಂಗಳಾದೇವಿ ವಲಯದ ವಾರ್ಷಿಕ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ಆಟಿಡೊಂಜಿ ದಿನಾಚರಣೆಯು ಆಗಸ್ಟ್ 16, 2026ರಂದು ಪಂಪ್‌ವೆಲ್‌ನ ಪದ್ಮಶ್ರೀ ಸಭಾಂಗಣದಲ್ಲಿ ವಿಜೃಂಭಣೆಯಿಂದ ನಡೆಯಿತು.
📝 ಪೂರ್ಣ ವರದಿ — Full Report
ಶಿವಳ್ಳಿ ಸಭಾ ಮಂಗಳಾದೇವಿ ವಲಯದ ವಾರ್ಷಿಕ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ಆಟಿಡೊಂಜಿ ದಿನಾಚರಣೆ
ಶಿವಳ್ಳಿ ಸಭಾ ಮಂಗಳಾದೇವಿ ವಲಯದ ವಾರ್ಷಿಕ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ಆಟಿಡೊಂಜಿ ದಿನಾಚರಣೆಯು ಆಗಸ್ಟ್ 16, 2026ರಂದು ಪಂಪ್‌ವೆಲ್‌ನ ಪದ್ಮಶ್ರೀ ಸಭಾಂಗಣದಲ್ಲಿ ವಿಜೃಂಭಣೆಯಿಂದ ನಡೆಯಿತು.
ಕಾರ್ಯಕ್ರಮಕ್ಕೆ ಸಭಾಂಗಣದ ಮಾಲೀಕರಾದ ಶ್ರೀ ಮುರಳೀಧರ ಉಡುಪ ಅವರ ಪುತ್ರ ಶ್ರೀ ಶ್ರೀನಿವಾಸ ಉಡುಪ ಅವರು ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ಶಿವಳ್ಳಿ ಸಭಾ ತಾಲೂಕು ಸದಸ್ಯರಾದ ಶ್ರೀ ಭಾಸ್ಕರ್ ರಾವ್ ಬಾಳ ಹಾಗೂ ಜೊತೆ ಕಾರ್ಯದರ್ಶಿ ಶ್ರೀ ಗಿರೀಶ್ ಭಟ್ ತಲಪಾಡಿ ಅವರು ಅತಿಥಿಗಳಾಗಿ ಭಾಗವಹಿಸಿ, ಸಂಘಟನೆಯ ಮಹತ್ವ ಹಾಗೂ ಸದಸ್ಯರ ಒಗ್ಗಟ್ಟಿನ ಅಗತ್ಯವನ್ನು ತಿಳಿಸಿದರು. ತಾಲೂಕು ಕಾರ್ಯದರ್ಶಿ ಶ್ರೀ ಭಾಸ್ಕರ್ ಭಟ್ ಅವರು ಶಿವಳ್ಳಿ ಸಭಾದ ಧ್ಯೇಯೋದ್ದೇಶಗಳನ್ನು ವಿವರಿಸಿದರು.
ವಲಯದ ಅಧ್ಯಕ್ಷರಾದ ಶ್ರೀ ಕೃಷ್ಣಮೂರ್ತಿ ಐತಾಳ್ ಅವರು ಸ್ವಾಗತಿಸಿದರು. ಕಾರ್ಯದರ್ಶಿ ಶ್ರೀ ಗಣೇಶ್ ಉಡುಪ ಅವರು ವಾರ್ಷಿಕ ವರದಿಯನ್ನು ವಾಚಿಸಿದರು. ಕೋಶಾಧಿಕಾರಿ ಶ್ರೀ ಅನಂತ ರಾಮರಾವ್ ಅವರು ವಾರ್ಷಿಕ ಲೆಕ್ಕಪತ್ರವನ್ನು ಮಂಡಿಸಿದರು. ವಲಯದ ಪೋಷಕರಾದ ಶ್ರೀಮತಿ ಆಶಾ ಪ್ರಭಾಕರ ರಾವ್ ಹಾಗೂ ಅತ್ತಾವರ ಶ್ರೀಚಕ್ರಪಾಣಿ ದೇವಸ್ಥಾನದ ಮುಖ್ಯ ಅರ್ಚಕರಾದ ಶ್ರೀ ಗೋಪಾಲಕೃಷ್ಣ ಭಟ್ ಅವರು ಉಪಸ್ಥಿತರಿದ್ದರು. ಶ್ರೀಮತಿ ಹರ್ಷಿತ ಜಿ.ಎಂ. ಅವರು ಆಟಿ ಮಾಸದ ವೈಶಿಷ್ಟ್ಯ ಹಾಗೂ ಆಚರಣೆಗಳ ಕುರಿತು ಮಾಹಿತಿ ನೀಡಿದರು.
ನಂತರ ನಡೆದ ಪ್ರತಿಭಾ ಪುರಸ್ಕಾರ ಸಮಾರಂಭದಲ್ಲಿ 10ನೇ ತರಗತಿ ಪರೀಕ್ಷೆಯಲ್ಲಿ ಉತ್ತಮ ಅಂಕ ಗಳಿಸಿದ ಮೂವರು ವಿದ್ಯಾರ್ಥಿಗಳನ್ನು ಶಾಲು ಹೊದಿಸಿ, ಸ್ಮರಣಿಕೆ, ಫಲಪುಷ್ಪ ಹಾಗೂ ಪ್ರೋತ್ಸಾಹಧನ ನೀಡಿ ಸನ್ಮಾನಿಸಲಾಯಿತು. ತಾಲೂಕು ಮಹಿಳಾ ಸದಸ್ಯೆ ಶ್ರೀಮತಿ ಪೂರ್ಣಿಮಾ ಶಾಸ್ತ್ರಿ ಅವರು ಸನ್ಮಾನ ನೆರವೇರಿಸಿದರು.
ಶ್ರೀಮತಿ ಪದ್ಮಿನಿ ರಾವ್ ಅವರು ಧನ್ಯವಾದ ಅರ್ಪಿಸಿದರು. ಶ್ರೀ ಸುರೇಶ್ ಭಟ್ ಅವರು ಕಾರ್ಯಕ್ರಮವನ್ನು ನಿರೂಪಿಸಿದರು.
ಬಳಿಕ ನಡೆದ ಆಟಿಡೊಂಜಿ ದಿನಾಚರಣೆಯಲ್ಲಿ ವಲಯದ ಮಹಿಳಾ ಸದಸ್ಯರು ತಮ್ಮ ಮನೆಗಳಲ್ಲಿ ಸಿದ್ಧಪಡಿಸಿ ತಂದಿದ್ದ ವಿವಿಧ ಬಗೆಯ ಸಾಂಪ್ರದಾಯಿಕ ಹಾಗೂ ರುಚಿಕರವಾದ ತಿಂಡಿ-ತಿನಿಸುಗಳನ್ನು ಎಲ್ಲರೂ ಸವಿದು ಸಂಭ್ರಮಿಸಿದರು. ಸುಕನ್ಯಾ ರಾವ್ ಹಾಗೂ ಕೌಶಿಕ್ ರಾವ್ ಅವರು ವಿವಿಧ ವಿನೋದಾವಳಿಗಳನ್ನು ನಡೆಸಿಕೊಟ್ಟು ಕಾರ್ಯಕ್ರಮಕ್ಕೆ ಮತ್ತಷ್ಟು ಮೆರುಗು ನೀಡಿದರು.
ಒಟ್ಟಾರೆ, ವಾರ್ಷಿಕ ಮಹಾಸಭೆ, ಪ್ರತಿಭಾ ಪುರಸ್ಕಾರ ಹಾಗೂ ಆಟಿಡೊಂಜಿ ದಿನಾಚರಣೆಯು ಸದಸ್ಯರ ಸಕ್ರಿಯ ಭಾಗವಹಿಸುವಿಕೆ ಮತ್ತು ಆತ್ಮೀಯ ವಾತಾವರಣದೊಂದಿಗೆ ಯಶಸ್ವಿಯಾಗಿ ನೆರವೇರಿತು.
📸 ಫೋಟೋಗಳು — Event Photos
📰 ಆಮಂತ್ರಣ · ಪತ್ರಿಕಾ ವರದಿ · ಶುಭಾಶಯ — Invitations, Patrika Varadi, Greetings
